തിങ്കളാഴ്‌ച, ജൂലൈ 18, 2011

മരണം.. ഒരു പുനര്‍ചിന്തനം..

ഒരു പുസ്തകം വായിച്ചു കൊണ്ട് സമയം കൊല്ലാന്‍ ഞാന്‍ തീരുമാനിച്ചു..
വായിച്ചു കൊണ്ടു ഞാന്‍ കിടന്നു..
അനേകം കഥാപാത്രങ്ങള്‍ എന്‍റെ മുന്നിലൂടെ കടന്നു പോയി..
മെല്ലെ മെല്ലെ ഞാന്‍ അതില്‍ ലയിച്ചു..
ഒരു കൊതുക് വന്നെന്‍റെ ചോര ഊറ്റിക്കുടിച്ച് പറന്നു പോയി..
എവിടെ നിന്നോ മനോഹരിയായ ഒരു ചിത്രശലഭം പറന്നു വന്നു..
അതെന്‍റെ പുസ്തകത്തിന്‍റെ പുറം ചട്ടയിലെ റോസാ പുഷ്പത്തില്‍ വന്നിരുന്നു..
ഞാന്‍ അതിന്‍റെ ചേഷ്ടകള്‍ നോക്കി എഴുന്നേറ്റിരുന്നു..
പെട്ടെന്നൊരു ഭൂമികുലുക്കം പോലെ എനിക്കനുഭവപ്പെട്ടു..
എന്താണെന്നു മനസ്സിലാകുന്നതിനു മുന്‍പേ മുകളില്‍ കറങ്ങിക്കൊണ്ടിരുന്ന പങ്ക അതിന്‍റെ പിടി വിട്ടു എന്‍റെ തലയില്‍ പതിച്ചു..
അമ്മേ എന്ന നിലവിളിയോടെ ഞാന്‍ എഴുന്നേറ്റ് നോക്കിയപ്പോള്‍ തറ മുഴുവന്‍ ചുവന്നിരിക്കുന്നു..
ദേഹമാകെ നനഞ്ഞിരിക്കുന്നു..
ശുഭ്ര വസ്ത്രധാരിയായി കിടന്ന ഞാന്‍ ഇപ്പോള്‍ രക്തവര്‍ണത്തില്‍ കുളിച്ചിരിക്കുന്നു..
തലയില്‍ ആകെ ഒരു മരവിപ്പ്‌..
എന്‍റെ പ്രാണന്‍ എന്നെ വിട്ടകലുന്നു എന്ന് ഞാന്‍ അറിയുന്നു..
എന്നെ ഇത്രയും വളര്‍ത്തിയ ലോകമേ നിനക്കു വിട..
അവസാനമായി ഞാന്‍ കണ്ട ആ ചിത്രശലഭം താഴെ വീണ എന്‍റെ പുസ്തകതിനടിയില്‍ കിടന്നു പിടയുന്നു..
എന്‍റെ മരണത്തിലും ഞാന്‍ ഒറ്റക്കല്ലെന്ന യാഥാര്‍ത്ഥ്യം ഞാന്‍ അറിയുന്നു..
പതിയെ എന്‍റെ കണ്ണുകള്‍ പതിയെ അടയുന്നു..
എല്ലാം തീര്‍ന്നുവെന്ന് മനസ്സിനെ പറഞ്ഞു സമാധാനിപ്പിക്കുന്നു..
പെട്ടെന്ന് എന്‍റെ ദേഹത്തൊരു മൃദു സ്പര്‍ശം ഞാന്‍ അറിഞ്ഞു..
ഞൊടിയിടയില്‍ ഞാന്‍ എഴുന്നേറ്റ്‌ നോക്കിയപ്പോള്‍ മുകളില്‍ പങ്ക തിരിഞ്ഞു കൊണ്ടിരിക്കുന്നു..
തൊട്ടടുത്ത് ആശങ്കയോടെ എന്നെ നോക്കി നില്‍ക്കുന്ന എന്‍റെ അമ്മയും..
താഴെ വീണു കിടക്കുന്ന പുസ്തകം ഞാന്‍ എടുത്തു കൈയില്‍ വച്ചു..
പക്ഷേ ആ ചിത്രശലഭം അപ്രത്യക്ഷമായിരിക്കുന്നു..
ഈശ്വരാ.. ഇത്രയും നേരം നീ എന്നെ വേറൊരു ലോകത്തിലേക്ക് കൊണ്ടു പോയിരിക്കുകയായിരുന്നോ..?
മ്രിത്വുവിന്‍റെ രുചിയറിയാന്‍ എനിക്കവസരം തന്നതാണോ..?
പലര്‍ക്കും ഒരിക്കല്‍ മാത്രം കിട്ടുന്ന ആ അവസരം എനിക്കു നീ ഒന്നിലധികം തവണ തരുന്നെന്നോ..
ഞാന്‍ കൃതാര്‍ത്ഥനായി..!!

3 അഭിപ്രായങ്ങൾ: