എന്നും എവിടേയും പ്രവാചകര്ക്ക് നാം സമൂഹത്തില് ഉന്നത സ്ഥാനമാണ് കല്പ്പിച്ചു നല്കിയിരിക്കുന്നത്..
ചരിത്ര താളുകളില് ഇടം നേടാന് മാത്രം പ്രസിദ്ധി ആര്ജിച്ച എത്ര പ്രവാചകരെ പറ്റി നാം കേട്ടിരിക്കുന്നു..
കാല യവനികക്കുള്ളില് മറഞ്ഞ അവരില് പലരും അതിവിസ്മയകരമായ ഒരു പാട് പ്രവചനങ്ങള് നടത്തിയിട്ടുമുണ്ട്..
ഇന്നും അതിന്റെ ചൂട് പറ്റി ഒരു പാട് പേര് ഈ രംഗത്ത് തിളങ്ങി നില്ക്കുന്നു..
കപട പ്രവാചകന്മാരും ഒട്ടും കുറവല്ല..
ഈ പ്രവചനങ്ങള്ക്കെല്ലാം വ്യക്തമായ അടിസ്ഥാനം ഉണ്ടോ എന്ന് ചോദിച്ചാല് ഇതില് പലര്ക്കും മറുപടി ഇല്ല എന്നതാണ് വാസ്തവം..
നമ്മുടെ ജ്യോതിഷ ശാസ്ത്രം വ്യക്തമായ അടിത്തറ ഉണ്ടെന്നവകാശപ്പെടുന്നു..
പക്ഷെ ഇതൊരു മിഥ്യാധാരണ സൃഷ്ടിക്കുവാനുള്ള ശ്രമമാണോ എന്ന് ഞാന് സംശയിക്കുന്നു..
അതിനെ പറ്റി വ്യക്തമായ ധാരണ ഇല്ലാത്തതാവാം കാരണം..
പക്ഷെ ഒന്ന് മാത്രം നമുക്ക് വ്യക്തമാണ്...
ഇവരെല്ലാം ചൂഷണം ചെയ്തത് മനുഷ്യന് അവന്റെ ഭാവിയെ പറ്റിയുള്ള അകാരണമായ ഉത്ക്കണ്ട അല്ലെങ്കില് അടങ്ങാത്ത തൃഷ്ണ- ഇവയില് ഏതെങ്കിലും ഒന്നിനെ ആയിരുന്നു..
ഇക്കാലമത്രയും നമ്മള് കണ്ടിരുന്നത് പ്രവാചകരുടെ മനുഷ്യ അവതാരങ്ങളായിരുന്നെങ്കില് ഇപ്പോള് കാലം അതിനെയും ഒരു പരിണാമത്തില് കൊണ്ടെത്തിച്ചിരിക്കുന്നു..
ഇപ്പോള് മനുഷ്യേതര ജീവികള് പ്രവചിക്കുന്നതിനോടാണ് ഏവര്ക്കും താല്പര്യം..
ഇതില് ലോക ശ്രദ്ധ ആദ്യം പിടിച്ചു പറ്റിയത് പോള് എന്ന് പേരുള്ള ഒരു നീരാളിയായിരുന്നു..
ഇതിനെ വളര്ത്തിയിരുന്ന ജര്മ്മനിയിലെ ഒരു അക്വേറിയം ഉടമസ്ഥര് പറയുന്നത് അതിനു പ്രവചന സിദ്ധി ജനിച്ചപ്പോള് കിട്ടിയിട്ടുണ്ടെന്നാണ്..
മത്സര വിജയികളെ പ്രവചിക്കാന് മിടുക്കനാണത്രെ പോള്..
രണ്ടില് ഒരാള് എന്ന രീതിയാണത്രെ പുള്ളിക്കാരന്റെത്..
രണ്ടു പാത്രങ്ങളില് തീറ്റ വെച്ച് കൊടുത്ത് അത് ആദ്യം പോയി എടുക്കുന്നത് എന്തെങ്കിലും ഒരു പാത്രത്തിലെ ഭക്ഷണമായിരിക്കും..
ആ പാത്രം ആരെ അല്ലെങ്കില് എന്തിനെ വിരല് ചൂണ്ടുന്നുവോ അവര് വിജയി എന്നാണത്രേ..
ഓരോരോ കണ്ടു പിടുത്തങ്ങളേ.. എന്തായാലും കഴിഞ്ഞ പുരുഷ ഫുട്ബോള് ലോക കപ്പോടെ ആള് ലോക പ്രസിദ്ദനായി..
അതു കൊണ്ടെന്താ മരിക്കാന് നേരത്ത് പോലും അവനു വേണ്ടി കന്നീരോഴുക്കാന് ലക്ഷ കണക്കിന് ആള്ക്കാര് ലോകത്തുണ്ടായി..
ഒരു സാധാരണ നീരാളിയെ കൊണ്ട് സാധിക്കുന്നതാണോ ഇതൊക്കെ..?
പോളിന്റെ ചിത്രം താഴെ...
ഇപ്പോഴിതാ നെല്ലി എന്ന് പേരുള്ള ഒരു ആഫ്രിക്കന് പിടിയാന പോളിന്റെ ദൌത്യം ഏറ്റെടുത്തിരിക്കുന്നു..
വീണ്ടും ജര്മ്മനിയിലെ ഒരു മൃഗശാലയാണ് സ്ഥലം.. ഇവിടെ ഇവള് ഫുട്ബോള് കളിച്ചു കൊണ്ടാണ് പ്രവചനം നടത്തുന്നത്..
ഒന്നൂടെ എരിവും പുളിയുമായല്ലോ..
തോല്ക്കാന് സാധ്യത ഉള്ള ടീമിനായി ഉണ്ടാക്കിയ ഗോള് പോസ്റ്റില് ഇവള് ഗോള് അടിച്ചു കേറ്റുമത്രേ..
ഇത്തവണത്തെ വനിതാ ലോക കപ്പിന്റെ വിജയികളെ പ്രവചിച്ചാണ് നെല്ലി ലോക പ്രശസ്തയായിരിക്കുന്നത്..
നെല്ലി ഫുട്ബോള് കളിക്കുന്നു..
ഞാനും തീരുമാനിച്ചു കഴിഞ്ഞു.. അടുത്ത ലോക കപ്പോടെ ഞാനും ലോക പ്രശസ്തനാകും..
എന്റെ വീട്ടിലെ നായക്കുട്ടിക്ക് ഞാന് രണ്ടു പാത്രത്തില് ചിക്കന് വച്ചു കൊടുക്കും..
അതില് ആദ്യം ഏതു പാത്രത്തില് നിന്നവന് ചിക്കന് കഴിക്കുന്നോ ആ പത്രത്തിന് വിജയികളുടെ പേര് ഞാന് ഗ്രാഫിക്സ് വഴി ചേര്ക്കും..
അവനേം ഞാന് ഒരു പ്രവാചകനാക്കും.. കൂട്ടത്തില് ഞാനും പ്രശസ്തനാകുമല്ലോ..
അല്ല പിന്നെ..!!
nannaiyittund iniyum ithu pole pratheekshikunnu...
മറുപടിഇല്ലാതാക്കൂnandi..
മറുപടിഇല്ലാതാക്കൂtheerchayayum ezhuthan sramikkum..
vishaya daridryam anubhavappedunna pole..
ഹഹഹ്ഹ്ഹഹ...അയ്യടാ മനമേ...
മറുപടിഇല്ലാതാക്കൂകൊള്ളാല്ലോ ഫുദ്ധി...ഹിഹിഹിഹിഹി...
@Ammutty : Hehehe
മറുപടിഇല്ലാതാക്കൂ